आज पनि बढ्यो सुनको मूल्य, कति पुग्यो तोलाको ?

काठमाडौं : आज छापावाल सुनको मूल्य तोलामा १६ सय रुपैयाँले बढेको छ। नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला १ लाख ९२ हजार ९०० रुपैयाँमा पुगेको छ। बुधबार यो मूल्य १ लाख ९१ हजार ३०० रुपैयाँ थियो। त्यस्तै, बुधबार पनि सुनको भाउ तोलामा १३ सय रुपैयाँले बढेको थियो।

यसैगरी, बिहीबार चाँदीको मूल्य भने घटेको छ। चाँदी प्रतितोला १५ रुपैयाँले घटेर २ हजार १५० रुपैयाँमा कायम भएको छ, जुन बुधबार २ हजार १६५ रुपैयाँ थियो।