गत वर्ष घाटामा रहेको घलेम्दी जलविद्युत्ले ३९ लाख रुपैयाँ लाभ कमायो।

काठमाडौं: चालु आर्थिक वर्षको दोस्रो त्रैमाससम्म पुग्दा घलेम्दी जलविद्युत्ले ३९ लाख ३६ हजार रुपैयाँ शुद्ध लाभ आर्जन गरेको छ। अघिल्लो वर्षको यही अवधिमा भने कम्पनी ४ करोड ९९ लाख रुपैयाँ क्षतिमा थियो। यसको विद्युत् बिक्रीबाट प्राप्त आम्दानी बढेसँगै शुद्ध नाफा पनि वृद्धि भएको हो।

एक वर्षमा विद्युत् बिक्रीबाटको आम्दानी ३५.८५ प्रतिशतले वृद्धि भएर ६ करोड ७४ हजार रुपैयाँ पुगेको छ। अघिल्लो वर्ष सोही आम्दानी ४ करोड ९६ लाख रुपैयाँ थियो। साथै, कम्पनीको वित्तीय खर्चमा पनि गिरावट आएको छ, जसले शुद्ध नाफा बढ्न मद्दत पुर्याएको हो।

अघिल्लो वर्ष ५ करोड ६१ लाख रुपैयाँ रहेको वित्तीय खर्च यस वर्ष घटेर ४ करोड २ लाख रुपैयाँमा सीमित भएको छ। पुस मसान्तसम्म कम्पनीको चुक्ता पूँजी १ अर्ब ६५ करोड रुपैयाँ रहेको छ। प्रतिसेयर आम्दानी १० पैसा ऋणात्मक रहँदा, प्रतिसेयर नेटवर्थ ९८ रुपैयाँ २० पैसा रहेको छ।