नेपाल एसबीआई बैंकको नाफामा वृद्धि, वितरणयोग्य मुनाफा कति छ?

काठमाडौं: नेपाल एसबीआई बैंकले चालु आर्थिक वर्षको दोस्रो त्रैमाससम्म ९० करोड २ लाख रुपैयाँ खुद नाफा आर्जन गरेको छ, जुन गत वर्षको यसै अवधिको तुलनामा ७.११ प्रतिशतले बढेको हो। गत वर्ष यस बैंकले ८४ करोड ५ लाख रुपैयाँ नाफा कमाएको थियो।

बैंकको इम्पेयरमेन्ट चार्ज ७४ करोड रुपैयाँबाट घटेर २३ करोड रुपैयाँमा झरेको छ, जसका कारण नाफामा सुधार आएको हो। यता, खुद ब्याज आम्दानी १३.७४ प्रतिशतले घटेर २ अर्ब २९ करोड रुपैयाँमा झरेको छ, जुन गत वर्ष २ अर्ब ६५ करोड रुपैयाँ थियो।

एसबीआई बैंकको चुक्ता पुँजी १० अर्ब ५० करोड रुपैयाँ रहेको छ र जगेडा कोषमा ७ अर्ब ९३ करोड रुपैयाँ सञ्चित छ। बैंकको वितरणयोग्य नाफा १ अर्ब २० करोड रुपैयाँ रहेको छ। प्रतिसेयर आम्दानी १ रुपैयाँ १४ पैसाले वृद्धि हुँदै १७ रुपैयाँ १५ पैसा (वार्षिक) पुगेको छ। बैंकको प्रतिसेयर नेटवर्थ १८७.०७ रुपैयाँ रहेको छ।