नेपाल लाइफको साधारण सभाले लाभांश पारित, समयसापेक्ष थप सेवा प्रदान गर्ने प्रतिबद्धता

काठमाडौं: नेपाल लाइफ इन्सुरेन्सको २५औं वार्षिक साधारण सभा माघ २८ गते बीरगंजमा सम्पन्न भएको छ। सभाले १०% बोनस सेयर र करसहित ११.०५% नगद लाभांश पारित गरेको छ।

कम्पनीको कुल लगानी २ खर्ब १५ अर्ब रुपैयाँ, जीवन बीमाकोष २ खर्ब ८ अर्ब रुपैयाँ, र सेयरधनी कोष १२ अर्ब रुपैयाँ पुगेको छ। हालसम्म २ खर्ब ८८ अर्ब बीमाशुल्क आर्जन गरिसकेको कम्पनीले ८४ अर्ब दाबी भुक्तानी गरेको छ।

सञ्चालक समिति अध्यक्ष गोविन्द लाल संघईले सेवा सुधार, संस्थागत सुशासन, नवीन प्रविधिको प्रयोग, र ग्राहक हितलाई प्राथमिकता दिने प्रतिबद्धता जनाए। प्रमुख कार्यकारी अधिकृत प्रवीण रमण पराजुलीले चुनौतीबीच पनि लाभांश दिन पाउँदा गर्व लागेको बताए। कम्पनीले समयसापेक्ष थप सेवाहरू उपलब्ध गराउने जनाएको छ।