नेप्से २६०० विन्दु पार, बजारमा सकारात्मक उछाल र आत्मविश्वासको संकेत

नेपाल स्टक एक्सचेञ्ज (NEPSE) सूचकांक आजको कारोबारमा २६००.३८ विन्दुमा बन्द भएको छ, जसले बजारमा ३४.२२ अंक (१.३३%) को वृद्धि दर्शाउँछ। आजको कारोबारमा कुल रु ७ अर्ब ५१ करोड ३९ लाख ३८ हजार ४७३.४५ बराबरको सेयर किनबेच भएको छ। यस अवधिमा २ करोड ६० लाख १० हजार ७१८ कित्ता सेयरहरू कारोबार भएका छन्।

नेपाल स्टक एक्सचेञ्ज (NEPSE) सूचकांक आजको कारोबारमा २६०० विन्दु छुन सफल भएको छ, जसले बजारमा उल्लेखनीय उतार–चढाव देखाएको संकेत गर्छ। कारोबारको पहिलो चरणमा विशाल बजार कम्पनीको शेयर मूल्यमा आएको गिरावटका कारण सूचकमा तीव्र कमी आएको थियो, जसले सम्पूर्ण बजारमा दबाब सिर्जना गर्‍यो।तर दोस्रो चरणमा बजारमा सुधार देखियो। विशाल बजार कम्पनी पुनः उकालो लाग्दै हाइड्रो उपसूचकको मजबुत प्रदर्शनसँगै बजारले प्रारम्भिक घाटा पुनः सम्हाल्न सफल भयो।

बजार मनोविज्ञान (Market Psychology) का हिसाबले हेर्दा, लगानीकर्तामाझ पछिल्ला केही दिनदेखि देखिएको सावधानी आज पुनः आशावादमा परिणत भएको देखिन्छ। प्रारम्भिक गिरावटपछि बजार पुनः उकालो लाग्दा लगानीकर्तामा “dip buying” अर्थात् गिरावटमा किन्न खोज्ने मनोवृत्ति सक्रिय भएको अनुमान गर्न सकिन्छ। यसले बजारमा आत्मविश्वास फर्कँदै गएको संकेत गरेको छ।