स्वास्थ्य बीमा लगायतका कार्यक्रमहरूका लागि करिब ४ अर्ब रुपैयाँ अतिरिक्त निकासा

काठमाडौं : अर्थ मन्त्रालयले स्वास्थ्य बीमाको भुक्तानीसहित विभिन्न स्वास्थ्यसम्बन्धी कार्यक्रमहरूका लागि थप ३ अर्ब ८४ करोड रुपैयाँ निकासा गरेको छ। स्वास्थ्य तथा जनसंख्या मन्त्रालयको अनुरोधमा उपप्रधानमन्त्री तथा अर्थमन्त्री विष्णुप्रसाद पौडेलले उक्त रकम निकासा गर्ने निर्णय गरेका हुन्।

यसअन्तर्गत, स्वास्थ्य बीमा बोर्डलाई ३ अर्ब रुपैयाँ प्रदान गरिएको छ। साथै, ज्येष्ठ नागरिकहरूको उपचारका लागि ६० करोड रुपैयाँ तथा मुटु रोगका बिरामीलाई निःशुल्क उपचार उपलब्ध गराउन शहीद गंगालाल राष्ट्रिय हृदय केन्द्रलाई २४ करोड रुपैयाँ निकासा गरिएको अर्थ मन्त्रालयले जनाएको छ।