लक्ष्मी लघुवित्तको नाफा ५ करोड २ लाख, प्रतिसेयर आम्दानी डबल डिजिटमा
काठमाडौं:लक्ष्मी लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमाससम्म ५ करोड २ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा १३.०७ प्रतिशतले वृद्धि भएको हो। गत वर्ष सो अवधिमा संस्थाले ४ करोड ४४ लाख रुपैयाँ नाफा कमाएको थियो। नाफा वृद्धि हुनुमा मुख्य कारण खुद ब्याज आम्दानीमा आएको सुधार हो। यस […]
काठमाडौं:
लक्ष्मी लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमाससम्म ५ करोड २ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा १३.०७ प्रतिशतले वृद्धि भएको हो। गत वर्ष सो अवधिमा संस्थाले ४ करोड ४४ लाख रुपैयाँ नाफा कमाएको थियो।
नाफा वृद्धि हुनुमा मुख्य कारण खुद ब्याज आम्दानीमा आएको सुधार हो। यस अवधिमा खुद ब्याज आम्दानी २७ करोड ७९ लाख रुपैयाँबाट बढेर ३२ करोड ३४ लाख रुपैयाँ पुगेको छ। यद्यपि, संस्थाले इम्पेयरमेन्ट चार्जको रूपमा १ करोड ५८ लाख रुपैयाँ छुट्याएको छ।
संस्थाको हालको चुक्ता पुँजी ४४ करोड १६ लाख ६२ हजार रुपैयाँ रहेको छ। जगेडा कोषमा २२ करोड ७६ लाख रुपैयाँ तथा रिटेन्ड अर्निङ्समा २ करोड ३५ लाख रुपैयाँ रहेको छ।
लक्ष्मी लघुवित्तको वार्षिक प्रतिसेयर आम्दानी १५ रुपैयाँ १७ पैसा छ भने प्रतिसेयर नेटवर्थ १६८ रुपैयाँ २१ पैसा पुगेको छ। तर, गैर-सञ्चलन योग्य ऋण अनुपात (NPL) भने ९.१६ प्रतिशतमा पुगेको छ।
Join the discussion
Share your thoughts to keep the conversation going.
Be the first to comment.