सुनको मूल्यमा भारी वृद्धि, एकैदिन तोलामा ५३ सय रुपैयाँले बढ्यो

काठमाडौं : आज सुनको मूल्य तोलामा ५,३०० रुपैयाँले वृद्धि भएको छ। नेपाल सुन–चाँदी व्यवसायी महासंघका अनुसार मंगलबार छापावाल सुनको मूल्य प्रतितोला १ लाख ८९ हजार ९०० रुपैयाँ पुगेको छ, जुन सोमबारको १ लाख ८४ हजार ६०० रुपैयाँभन्दा धेरै हो।

त्यस्तै, आज चाँदीको मूल्य पनि तोलामा ५५ रुपैयाँले बढेर १,९६५ रुपैयाँमा पुगेको छ। सोमबार चाँदीको मूल्य प्रतितोला १,९१० रुपैयाँ रहेको थियो।