प्रि ओपन सेसन : नेप्से सूचक बढ्यो

काठमाडौं : प्रि-ओपन सेसनमा नेप्से सूचक १.०१ अंकले बढ्दै २६७४.७० विन्दुमा पुगेको छ। यस अवधिमा ४ करोड ५६ लाख रुपैयाँभन्दा बढीको सेयर कारोबार भएको छ।

सेसनमा ५३ कम्पनीका ८९ हजार ५६६ कित्ता सेयर किनबेच भएका छन् भने कुल १ सय ४३ वटा कारोबार सम्पन्न भएका छन्।

यस सेसनमा २६ कम्पनीको सेयर मूल्यमा वृद्धि भएको छ, जबकि २२ कम्पनीको मूल्य घटेको छ। बाँकी कम्पनीहरूको मूल्यमा भने कुनै परिवर्तन आएको छैन।