मिड सोलु हाइड्रोपावरको नाफा ३०३.०२९ प्रतिशतले बढ्यो, इपीएस कति छ ?
काठमाडौं: मिड सोलु हाइड्रोपावर लिमिटेडले चालु आर्थिक वर्षको दोस्रो त्रैमाससम्म उल्लेखनीय आर्थिक प्रगति गरेको छ। कम्पनीले ८ करोड ७१ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा ३०३.०२९ प्रतिशतले वृद्धि भएको हो। अघिल्लो वर्ष यो कम्पनीको नाफा २ करोड १६ लाख रुपैयाँ मात्र थियो। नाफा वृद्धि हुनुको मुख्य कारण भनेको विद्युत् […]
काठमाडौं: मिड सोलु हाइड्रोपावर लिमिटेडले चालु आर्थिक वर्षको दोस्रो त्रैमाससम्म उल्लेखनीय आर्थिक प्रगति गरेको छ। कम्पनीले ८ करोड ७१ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा ३०३.०२९ प्रतिशतले वृद्धि भएको हो। अघिल्लो वर्ष यो कम्पनीको नाफा २ करोड १६ लाख रुपैयाँ मात्र थियो।
नाफा वृद्धि हुनुको मुख्य कारण भनेको विद्युत् बिक्रीबाट प्राप्त आम्दानीमा वृद्धि हो। अघिल्लो वर्षको २० करोड ३८ लाख रुपैयाँ आम्दानी यो वर्ष बढेर २४ करोड १२ लाख रुपैयाँ पुगेको छ। त्यस्तै, वित्तीय खर्च पनि घटेर १० करोड ९२ लाखबाट ७ करोड २५ लाख रुपैयाँमा झरेको छ, जसले कुल मुनाफा बढाउन योगदान पुर्याएको हो।
कम्पनीको हालको चुक्ता पुँजी ७४ करोड ८४ लाख रुपैयाँ छ भने जगेडा कोषमा १० करोड ५९ लाख रुपैयाँ रहेको छ। समीक्षा अवधिमा मिड सोलुको प्रतिसेयर आम्दानी (EPS) १५.५२ रुपैयाँ रहेको छ भने प्रतिसेयर नेटवर्थ ११४.१५ रुपैयाँ पुगेको छ।
Join the discussion
Share your thoughts to keep the conversation going.
Be the first to comment.