अमेरिकाबाट रेमिटेन्समा ५% कर प्रस्ताव, धेरै देशमा गम्भीर असरको सम्भावना
अमेरिकी पूर्वराष्ट्रपति डोनाल्ड ट्रम्पले अमेरिकाबाट विदेश पैसा पठाउँदा ५ प्रतिशत कर लगाउने कानुनी प्रस्ताव अघि सारेका छन्। यो प्रस्ताव लागू भएमा प्रत्येक १०० डलरमा ५ डलर कर सरकारलाई बुझाउनु पर्नेछ। ‘द वन बिग ब्यूटिफुल बिल’ नाम दिइएको यो विधेयक २०२५ मे १२ मा अमेरिकी संसदमा प्रस्तुत गरिएको हो। प्रस्तावित कर नियम बैंक तथा रेमिटेन्स सेवा […]
अमेरिकी पूर्वराष्ट्रपति डोनाल्ड ट्रम्पले अमेरिकाबाट विदेश पैसा पठाउँदा ५ प्रतिशत कर लगाउने कानुनी प्रस्ताव अघि सारेका छन्। यो प्रस्ताव लागू भएमा प्रत्येक १०० डलरमा ५ डलर कर सरकारलाई बुझाउनु पर्नेछ।
‘द वन बिग ब्यूटिफुल बिल’ नाम दिइएको यो विधेयक २०२५ मे १२ मा अमेरिकी संसदमा प्रस्तुत गरिएको हो। प्रस्तावित कर नियम बैंक तथा रेमिटेन्स सेवा प्रदायकमार्फत असुल गरिनेछ, र अमेरिकी नागरिकहरू भने यस करबाट मुक्त हुने जनाइएको छ।
यदि पारित भयो भने भारत, नेपाल, एल साल्भाडोर, मेक्सिको जस्ता रेमिटेन्स-निर्भर मुलुकहरूमा गहिरो असर पर्नेछ। ग्लोबल ट्रेड रिसर्च इनिसिएटिभ (GTRI) का अनुसार भारतमा मात्रै रेमिटेन्स करबाट वार्षिक १.६ अर्ब डलर अतिरिक्त कर असुली हुने अनुमान गरिएको छ।
भारतले सन् २०२४ मा १२९ अर्ब डलर रेमिटेन्स पाएको थियो, जसको सबैभन्दा ठूलो हिस्सा अमेरिकाबाट आएको हो। यस करको कारणले भारतीय रुपैयाँ कमजोर हुने, रिजर्भ बैंकलाई हस्तक्षेप गर्नुपर्ने, र केरला, उत्तरप्रदेश, बिहार लगायतका राज्यमा लाखौं परिवार प्रभावित हुने सम्भावना छ।
यो प्रस्तावले विश्वभरको रेमिटेन्स प्रवाहमा गिरावट ल्याउने खतरा बढाएको विश्लेषणकर्ताहरूको भनाइ छ।
Source : https://deshsanchar.com/2025/05/20/1047444/
Join the discussion
Share your thoughts to keep the conversation going.
Be the first to comment.